貓狗飲礦泉水會生石？一文拆解結石迷思，教你揀最啱貓狗嘅水

各位家長有無聽過「主子飲得太多礦泉水會引起結石」呢種說法？礦泉水係咪真係咁可怕？

結石嘅產生，主要係同「鎂離子」攝取過量、以及飲水量不足有關。

根據美國 AAFCO 建議，通常 4 公斤嘅成貓，每日最少要攝取 20 mg 嘅鎂，而一般礦泉水嘅鎂含量低於 10 mg / 1000c.c.。換言之，主子每日要飲足 2000c.c. 礦泉水先會達到呢個水平。

所以，礦泉水其實唔會直接導致結石，但亦唔需要天天畀佢哋飲，平時飲普通嘅**過濾水**已經好夠。

不過要注意！如果主子本身有**腎臟病、尿路結石病史或尿液偏鹼性**，對鎂離子嘅攝取就要更謹慎，建議避開礦泉水為妙！

一般嚟講，最好嘅選擇係**「煲滾過嘅濾水」**。

最理想嘅做法係將水過濾後煲滾，滾咗之後再持續加熱 3 至 5 分鐘。呢個過程可以令有害物質揮發、殺滅微生物，最啱主子飲用！

至於以下呢幾款「NG 水」，就唔建議畀毛孩飲喇：

❌​ 生水：太污糟
指未經消毒嘅水，例如雨水、河水、山澗水等，好大機會含有致病菌同寄生蟲，飲咗好易會肚屙、腸胃炎。

​​​❌​ 自來水（水喉水）：氯氣味重
雖然自來水有加氯消毒，氯含量唔算高，但對嗅覺靈敏嘅主子嚟講，氣味好刺鼻。加上舊樓水喉可能有鏽跡或雜質，唔建議直接飲用。

 
• ​狗狗：60c.c. × 體重（kg）

 

• 貓咪：50c.c. × 體重（kg）

以 5 公斤嘅主子為例，每日大約要飲 250 – 300 c.c. 嘅水，分量大約係一罐細罐可樂咁多。

記住「沒事多喝水」，補充足夠水分，主子自然健康無病痛！

延伸閱讀：【營養特輯】水分有幾重要？貓狗每日要飲幾多水？

延伸閱讀：【健康百科】犬貓每日建議飲水量全攻略

延伸閱讀：【食量計算機】一鍵算出主子每日食量、熱量同飲水量！