貓口炎係咩嚟？誘發貓口炎嘅 4 個原因！
貓咪口炎（Feline Chronic Gingivostomatitis, FCGS）係常見嘅口腔疾病，會導致牙肉同黏膜組織出現嚴重發炎。呢個係各位剷屎官絕對唔可以輕視嘅重症！
目前口炎嘅發病機制仲未完全確定，但已知同異常嘅免疫反應有關。大致可以分成「牙齦炎」、「併發型口炎」、「免疫性口炎」同埋「環境壓力」。
（一）牙齦炎
牙齒表面積聚牙菌膜，令免疫系統對入面嘅細菌產生過度反應。免疫系統唔單止攻擊病原體，仲會誤傷健康嘅細胞同組織，導致牙齒同牙肉交界位發炎。
嚴重嘅話仲會變成牙周病，甚至令牙根受損或者牙齒脫落。
（二）併發型口炎
如果主子患有全身性疾病（如腎衰竭、糖尿病），會令體內毒素累積或細菌滋生，進而引發口炎。
呢類口炎要靠驗血確診。有一點可以初步判別：腎衰竭會令貓咪完全無晒食欲，連聞都唔想聞；而其他口炎貓通常仲有胃口，只係因為咬嘢太痛先唔敢食。
延伸閱讀：【常見疾病】慢性腎衰竭全攻略
延伸閱讀：【常見疾病】急性腎損傷點算好？
延伸閱讀：貓咪糖尿病點算好？徵狀、治療同飲食指南！
（三）免疫性口炎
長期感染病毒或細菌，令免疫系統誤將健康組織視為威脅而發動攻擊，導致口腔嚴重腫脹同劇痛。
常見嘅病原體包括貓卡里西病毒（FCV）、貓愛滋（FIV）、貓白血病（FeLV）以及貓疱疹病毒（FHV-1）。
（四）環境壓力
研究顯示，多貓家庭嘅主子患病率高過單貓家庭好多。每加多一隻貓，機率就會增加 70% 以上。
長期待喺多貓環境，主子壓力會大，亦容易接觸到其他貓排出嘅病毒。如果本身免疫力弱，反覆感染嘅風險就會更高。
貓口炎初期徵狀：點樣提早發現？
貓口炎會影響牙肉、嘴唇、脷同埋上下顎。因為痛楚持續，主子嘅行為會改變，家長要留意：
- 嚴重口臭
- 口水變多、變到好濃稠
- 口腔入面大面積紅腫、出血
- 食嘢嗰陣好痛苦，甚至一邊咬一邊大叫
- 想食但唔敢食
- 體重明顯下跌
- 唔再自己梳理毛髮（毛髮變到好襤褸）
點樣醫貓口炎？係咪一定要拔牙？
（一）外科治療 - 拔牙手術
拔牙係治療嘅第一步，而唔係最後一步！
目前主流做法係進行部分或全口拔牙，清走所有牙菌膜附著嘅表面，從而徹底減低免疫反應，緩解劇痛。
家長唔使擔心無牙點算，貓咪嘅牙唔係用嚟「趙」嘢食，而係用嚟撕裂獵物。喺單位生活嘅主子完全可以適應直接吞嚥罐罐或濕糧。
（二）內科治療 - 藥物控制
多數主子術後需要口服類固醇或抗生素嚟控制發炎。藥物通常係輔助，好少單靠食藥就醫得好，因為日子耐咗藥效會遞減。
（三）口腔清潔
喺屋企勤力刷牙，或者去診所麻醉洗牙，清走牙石，可以暫時減輕不適。
延伸閱讀：【寵物健康】貓狗刷牙懶人包！潔牙工具步驟全攻略
延伸閱讀：毛孩牙膏要慎選！避開中毒危機
口炎貓點樣照顧？術後食咩好？
延伸閱讀：貓咪轉糧好難？5 個訣竅征服嘴刁貓
點樣預防貓口炎？日常保健最緊要！
雖然成因複雜，但做好日常口腔保養，絕對可以有效減低風險。
（一）堅持每日刷牙
（二）物理性潔牙
如果主子極度反抗刷牙，可以利用咀嚼時嘅摩擦嚟潔牙。例如畀一啲特製嘅潔牙骨、木天蓼或者蟲癭果，幫手磨走輕微牙菌膜。
（三）定期洗牙同驗身
建議每年去診所洗一次牙，由獸醫徹底清走牙石。因為洗牙要全身麻醉，術前一定要做詳細體檢，確保主子身體狀況適合，減低風險。
延伸閱讀：體檢有幾重要？驗身項目全清單
（四）補充免疫營養
除咗飲食均衡，可以加啲免疫力保養粉，幫主子打好底子，提升抵抗力！
貓口炎常見問題解答！
（一）貓口炎會唔會自己好？
唔會。口炎係唔會「斷尾」自癒嘅，必須要專業獸醫介入治療。
（二）主子得口炎會唔會死？
口炎本身唔會直接致命，但因為太痛主子會唔肯食嘢，導致嚴重脫水、脂肪肝或者器官衰竭，呢啲併發症先至係真正致命傷。
延伸閱讀：貓咪餓太耐好危險！小心脂肪肝搵上門
（三）口炎會傳染畀其他貓嗎？
口炎病症本身無傳染性。但如果成因係由病毒（如杯狀病毒）引起，病毒係會傳染㗎。所以風險係來自「病毒」，而唔係「發炎」本身。
汪喵星球，始終以毛孩為本。
我哋相信，毛孩就同小朋友一樣，值得擁有最好嘅選擇。
因此，我哋始終以毛孩嘅需求為出發點，由主食、零食、保健品到貓砂，研發最貼近主子需要嘅產品。汪喵星球更希望幫家長了解毛孩喜好，陪住主子一齊健康快樂咁慢慢變老！
參考資料
- PetMD – Stomatitis in Cats; WebMD – What is Stomatitis?; PMC7194110.
