一起認識 犬貓常見疾病 ，了解成因、症狀與改善方式，幫助貓咪狗狗預防勝於治療！ 一起建立正確的健康知識，讓毛孩陪我們一起慢慢變老！
狗狗習慣透過氣味嚟確認環境同地盤，當佢哋喺出面盡情快活咁「周圍聞、周圍嗅」嗰陣，傳染病就可能已經悄悄接近。即使主子唔出街，都有機會因為要去動物診所，或者家長鞋底帶咗病菌返屋企而中招，所以長留單位嘅狗狗一樣需要疫苗保護。疫苗可以大幅降低感染機率，即使唔好彩中咗亦可以減輕徵狀，所以話定期打預防針係守護狗狗健康嘅最重要防線。 預防針主要分為「基礎疫苗」同埋「後續補強（加強劑）」。喺未打過針之前，狗仔通常需要連續施打幾次，先可以誘發身體產生足夠抗體，呢幾次就叫「基礎疫苗」。有咗基本保護後，仲需要定期「進廠維修」，補強抗體強度，呢個就係「後續補強」。 狂犬病預防針施打方式 喺香港，狂犬病針係受法例監管嘅。建議喺 12 週大嗰陣打第一針，之後根據《狂犬病條例》，每 3 年必須補打一次加強劑嚟續狗牌。如果主子要出國或者去疫區，頻率就要再視乎當地要求。 點解好多獸醫建議每年打一次預防針？ 雖然「世界小動物獸醫協會 WSAVA」建議核心疫苗每三年補強一次就夠，但呢個係「平均準則」。實際上，每隻狗狗產生嘅「抗體力價」1 同埋抗體流失速度都唔同。所以好多香港獸醫會建議剷屎官每年幫主子驗身嗰陣，一併檢查針卡，視乎情況補打，確保保護力唔會中斷。 獸醫小辭典 1.「抗體力價（Antibody Titer）」係測試狗狗血液入面嘅抗體含量。家長可以問吓獸醫，透過抽血化驗嚟確認主子係咪仲有足夠抗體，從而決定今年使唔使補針。 . .
出遠門嗰陣，可以由得主子餓一日或者少食一餐嗎？貓咪餓親肚仔，除咗會狂喵叫之外，對健康仲有咩影響？胖貓減肥，係咪可以唔食嘢？答案係絕對唔得！因為貓咪餓得太耐，好容易會引發致命嘅「脂肪肝」風險。到底乜嘢係貓脂肪肝？有咩常見徵狀同點樣預防？一齊嚟深入了解啦！ 脂肪肝係貓咪肝臟疾病入面極之常見嘅一種，而且屬於「食因性」嘅營養疾病。成因係過多脂肪喺肝臟入面形成阻塞，令到肝臟停工，無法正常運作。 基本上，如果主子符合「過肥」同「長時間無進食」呢兩大關鍵點，就要極之小心會患上脂肪肝。因為貓係絕對肉食動物，對蛋白質需求極高。一旦開始捱餓、攝取唔到足夠蛋白質，體內儲存嘅脂肪就會大量分解釋放，但肝臟無辦法有效將呢啲脂肪轉化成能量，結果全部堆積喺肝臟，最終導致肝功能衰竭。 長時間唔肯食嘢、食慾明顯變差 皮膚、眼白、耳仔變黃（即係俗稱嘅「黃疸」） 無厘精神、嘔吐、肚屙等 出現脫水跡象、體重無端端急跌 如果主子超過 24 小時無食嘢，仲伴隨住以上徵狀，建議即刻帶去診所搵獸醫。醫生通常會透過驗血（睇肝指數有無爆升）或者驗尿（睇有無膽紅素尿）嚟斷症。 正如上面提到，脂肪肝嘅兩大關鍵係「肥胖」同「長時間無食嘢」。所以除咗舒緩嘔、屙等徵狀外，首要任務就係「令主子肯食返嘢，並攝取足夠營養」。如果主子係因為其他病先唔肯食嘢，就要雙管齊下，一齊醫先至有機會斷尾。 . .
圓滾滾、白白胖胖嘅狗狗總係畀人讚好得意，但其實主子太胖會引起好多病，而且飲食同活動量都會直接影響體態㗎！各位家長千萬唔好輕視肥胖問題～到底要點樣判斷狗狗過肥？點樣幫主子減肥同制定瘦身計劃呢？ 汪喵邀請咗 專業獸醫師—高旗 同大家分享肥胖狗狗減肥攻略！ 由診所嘅理學檢查到 X 光、超聲波，都可以幫手評估主子體態。但家長平時可以點樣簡單睇吓佢有無超重呢？由於唔同品種、骨架大細差異好大，單單睇磅數絕對唔係最好嘅方法呀。 目前最常用嘅係 BCS（Body Condition Score）體能狀況評分系統。主要透過目測同埋觸診（摸肋骨、腰身同肚腩位）嚟評分。分數愈低愈瘦，愈高就愈肥。最理想嘅體態應該維持喺 5 分（9 分制）或 . .
本文用詞遵循寵物食品相關規範審慎調整，盡可能清楚傳達資訊嘅同時，避免使用可能產生誤解嘅詞語，感謝各位家長嘅體諒同理解！ 視乎嚴重程度。輕微嘅可以用獸醫推介嘅藥用洗劑；嚴重嘅話可能要暫時避免沖涼，一切遵從醫囑。 我哋相信，毛孩就同小朋友一樣，值得擁有最好嘅選擇。因此，我哋始終以毛孩需求為出發點，研發最貼近主子需要嘅產品，陪你同主子一齊慢慢變老！ PMID: 32664366, PetMD, VCA Animal Hospitals – Skin Diseases in Dogs. . .
懷孕，係女生一生中最甜蜜嘅負擔。除咗要擔心 BB 健康，仲要面對各種壓力。如果你有養貓，壓力可能仲大，因為總會有人同你講：「大肚婆養貓唔好呀」、「養貓好易流產㗎」、「貓有寄生蟲會影響 BB 腦部發育」、「不如送走隻貓啦」，令到準媽媽貓奴陷入焦慮同掙扎。但呢啲傳言係咪真㗎？真係需要送走主子？ 其實呢啲傳言多數係圍繞住一種寄生蟲——弓漿蟲（Toxoplasma gondii）。接下嚟會同大家分享關於貓咪同弓漿蟲嘅知識，包括： －弓漿蟲傳染途徑 －弓漿蟲預防守則 －弓漿蟲驗血篩檢 呢篇文會話你知，只要做好預防措施，根本唔使擔心感染弓漿蟲，懷孕養貓其實一啲都唔衝突！ 呢個要由感染方式講起。弓漿蟲係一種常寄生喺哺乳動物身上嘅寄生蟲，但只有貓科動物會排出帶有蟲卵嘅便便。當其他動物唔小心食咗被感染嘅便便，就可能會中招。但貓咪唔係唯一途徑！其他方式仲包括：食咗受污染嘅食物、體液感染同土壤接觸。其中「食咗受污染食物」先係最常見嘅，例如食生肉、半生熟牛扒或者無洗乾淨嘅生菜。 所以貓咪絕對唔係感染弓漿蟲嘅主要途徑呀！ 或者有人會問：咁養貓始終有風險㗎嘛？ 我哋諗吓點樣先會從貓身上感染：最直接就係「食咗感染貓貓嘅便便」。聽落好誇張，但如果你唔用砂鏟，直接用手清貓砂，清完唔洗手仲即刻徒手攞嘢食，風險先會增加。加上，如果你隻貓係長留單位嘅家貓，又無食過受污染嘅生肉，佢根本就唔會有弓漿蟲。所以從家貓身上感染嘅機率真係微乎其微。 . .
貓咪嘅尿尿哲學 點解主子會無端端亂尿尿？呢個要由貓咪天性講起。貓咪祖先排泄之後，會用鬆軟嘅沙土掩埋，目的係為咗衞生同埋隱藏行蹤，唔畀天敵發現。所以我哋會準備一個乾淨嘅貓砂盆畀佢哋。但明明已經有砂盆，點解佢仲要屙喺梳化或者床單度？其實主子係想話畀你知佢有啲嘢唔妥… 亂尿尿絕對唔係為咗「報復」 有啲剷屎官以為主子亂尿係因為你太夜返、無陪佢玩或者鬧過佢而「報仇」。但其實貓咪並無咁複雜嘅認知能力去設計復仇計劃，佢哋亦無辦法「忍尿」忍到你要報復嗰刻先噴出嚟。亂尿尿通常係「有苦難言」，一齊嚟了解佢哋嘅苦衷啦！ 想搵原因，首先要諗吓係咪健康出咗事。腎病、泌尿道疾病或者甲狀腺亢進（甲亢），都會引發排泄問題，令主子忍唔住尿喺砂盆外面。如果主子突然亂尿，請第一時間帶去診所搵獸醫排除病理因素。 ▸ 延伸閱讀：【常見疾病】貓下泌尿道疾病全攻略 行為特徵 屙完唔肯撥沙、隻腳好似嫌污糟咁唔敢踩入砂盆、離開砂盆嗰陣瘋狂揈腳，呢啲都係主子對個廁所好唔滿意嘅表現。 點樣解決？ 將砂盆擺喺隱蔽、有安全感嘅位 貓咪鍾意安靜。如果砂盆擺喺走廊多人行、近洗衣機咁嘈，或者太近佢食嘢嘅地方，佢哋就唔想去。建議將砂盆搬去單位入面安靜、隱蔽、闊落嘅角落，等佢可以放心「辦大事」。 貓砂嘅衞生同質感好緊要 . .
狗狗一般喺 7 歲就開始進入初老階段，隨著年紀增長，各器官會漸漸出現不可逆轉嘅退化同疾病… 根據體型唔同，狗狗老化嘅年紀亦有分別，你屋企主子幾歲開始老？老狗容易有邊啲徵狀同病痛？飲食保養應該由邊度入手？老狗照顧全指南一次過話你知！ ．狗狗幾歲開始老？ ．老年犬常見疾病 ．老狗日常照護須知 ．適合老狗嘅遊戲同運動 ．老狗保健品挑選貼士 ．老狗照護常見問題 Q&A 狗狗老化嘅速度同體型、營養條件及生活習慣有關。一般嚟講，小型犬大約喺 12 歲、中型犬 10 . .
VCA Animal Hospitals – Seborrhea in Dogs; NCBI – Canine Atopic Dermatitis; American College of . .
狗狗心臟病係令好多家長聞之色變嘅重症，隨住年紀增長，患病風險越嚟越高，但初期徵狀往往好微細，極難察覺！邊啲狗狗品種最易中招？點樣觀察心臟病初期徵狀？平時可以點樣預防或者延緩病情？ 汪喵邀請咗專業獸醫師—高旗教大家認識狗狗心臟病嘅預防同治療心得。 狗狗心臟病常見徵狀 & 風險族群 診斷方法 & 治療方案 心臟病日常居家照護 護心營養保健品挑選貼士 . .
貓咪嘔吐、軟便、肚屙（拉肚子）嘅原因有好多種，除咗環境變遷、情緒緊張或者嘔毛球之外，亦要小心係腸胃炎搵上門呀！到底有咩常見徵狀？主子肚屙嗰陣食益生菌有無用？平時應該點樣預防同照顧主子嘅腸胃健康？一齊嚟認識貓腸胃炎啦！ 如果主子單純腸道唔舒服，多數會引起軟便、肚屙等徵狀；如果只係胃部唔舒服，最明顯嘅反應就係嘔吐。而貓腸胃炎就係指主子嘅腸同胃同時發炎，成因可能係細菌、病毒、寄生蟲，或者任何食咗落肚嘅藥物、唔乾淨嘅嘢食所引起。 病菌、寄生蟲感染、食咗變質食物或異物、中毒（例如誤食部分植物、家居清潔劑等） 其他疾病引起嘅併發症（例如胰臟炎、肝病、腎病等） 對部分藥物產生不良反應 嘔吐同腹瀉（拉稀）同時發生 ※ 嘔吐需要區分係咪單純嘔毛球，或者食得太快。腸胃炎引起嘅嘔吐可能帶有泡沫，甚至含有淡黃色嘅膽汁（嘔黃水）。 冇晒精神、活動力弱（變到好「慵懶」） 冇胃口、出現脫水跡象（因為長時間嘔同屙導致） 如果主子有明顯且嚴重嘅嘔吐、肚屙情況，建議先停止餵食同飲水，盡快帶去診所搵獸醫驗身同治療呀！ 雖然貓腸胃炎最主要徵狀係嘔同屙，但因為好多病都有類似反應，所以帶主子睇醫生嗰陣，提供盡可能詳細嘅病史，對醫生斷症好有幫助。呢啲資訊可以作為驗血、糞便檢查、腹部 X 光之外嘅判斷依據。 建議剷屎官準備定以下資訊交畀獸醫： . .
. .
白內障係老年狗狗好常見嘅眼部疾病，失去夜間視力同方向感係最易察覺嘅徵兆！雖然手術係目前唯一有效嘅治療方式，但係眼部嘅日常保養亦都好重要。狗狗白內障初期到後期分別會出現咩徵狀？日常保養有咩要留意？ 汪喵特別邀請咗專業外科獸醫—高旗帶住大家一齊嚟了解 「小不點」係一隻好得意嘅松鼠狗，主人錫到佢燶。雖然已經 12 歲，但一身毛髮仲係打理得好順滑。但係主人發現，小不點對眼嘅中央喺呢 1 – 2 年開始睇落有啲白白地、灰灰地，好似人嘅白內障咁，所以一直有密切觀察住。 但最近開始出現奇怪行為：喺夜晚行路嗰陣，感覺佢對唔準方向，行得好猶疑。雖然視力仲未有大影響，但機警嘅主人都係決定帶佢去眼科專科診所驗身。 延伸閱讀：老狗照顧手冊！飲食、保養及常見健康問題全攻略 『失去夜間視力或者方向感，通常係最易發現嘅徵狀。』 白內障根據進展程度，可以分為初期、未成熟期、成熟期同埋過成熟期四個階段。 初期水晶體會局部變白，但狗狗仲睇到嘢。隨住病情發展，視覺受損會引發行為改變，例如：夜晚唔敢行、行路歪埋一邊等。最後水晶體會完全變白（白濛濛一片）、失明，甚至引發眼內發炎。所以及早發現、及早醫治真係好緊要！ . .
Log in
請選擇 +886 +852 +853 +60 +65
註冊會員
