點解貓咪尿尿有血？
當貓咪某些器官受損或者泌尿系統受到刺激，就有機會發生血尿。
正常嚟講，貓咪嘅尿係淺黃色嘅，但會隨住飲水量同排尿間隔而變深或變淺。
當尿液入面含有血液，尿液就會變色，呈現紅色、橘色、啡色，甚至會出現泡沫或者血塊。
公貓比母貓更容易血尿？
無錯，公貓係比母貓更容易出現血尿嘅！因為公貓嘅尿道非常狹窄，一旦出現結晶或者結石，就好容易造成阻塞，導致尿中有血。
造成貓咪血尿嘅原因有邊啲？
貓咪血尿嘅成因好多，可以由上泌尿道、下泌尿道或者全身性疾病引起，需要針對位置同徵狀做進一步診斷。
主要視乎邊個部位出咗問題。依照位置可分為上泌尿道（包括腎臟、輸尿管）、下泌尿道（包括膀胱、尿道、公貓前列腺、母貓陰道）以及其他因素。
（一）上泌尿道相關成因
- 腎臟感染 / 腎炎
- 腎衰竭等腎臟疾病
- 多囊性腎病 (PKD)
- 腎結石
- 腎臟腫瘤
（二）下泌尿道相關成因
- 尿道感染 (UTI)
- 自發性膀胱炎 (FIC)
- 下泌尿道症候群 (FLUTD)
- 前列腺疾病
- 膀胱或尿道結石
- 膀胱腫瘤
（三）其他潛在成因
- 發情（母貓陰道出血誤認為尿血）
- 外傷受傷
- 凝血功能障礙
貓咪血尿仲有咩徵狀？
除咗尿液變色，血尿通常仲會伴隨住排尿困難、痛楚或者頻尿等異常行為。
有時血尿未必好明顯，剷屎官要留意主子有無以下行為：
- 排尿嗰陣好用力
- 排尿困難，甚至痛到大叫
- 成日入砂盆（頻尿），但每次尿量極少
- 肚痛、摸肚仔嗰陣反抗
貓咪血尿會唔會自己好？
貓咪血尿係唔會自己好返嘅！如果唔及時睇獸醫，病情會急劇惡化。
好多時血尿屬於「尿隱血」，即係肉眼睇唔到血色或者血塊，要用專業儀器先驗到。所以家長日常觀察主子排尿習慣真係好重要！
貓咪血尿點算好？預防勝於治療！
除咗改變飲食同單位環境，定時帶主子去診所驗身都係追蹤泌尿健康嘅關鍵。
（一）引誘多飲水
保持水碗乾淨，擺多幾碗喺唔同地方，降低尿液濃度，避免形成結晶石。
（二）調整飲食結構
罐罐嘅含水量遠高於乾糧。揀符合 AAFCO / NRC 標準嘅主食罐，補充足夠水分。
汪喵星球低磷罐，補水補腎一罐搞掂！
（三）提供垂直活動空間
準備貓跳台、隱蔽空間，減少貓咪因為環境單調而產生嘅壓力。
（四）打造安靜單位環境
將貓竇、砂盆擺喺遠離洗衣機等大聲家電嘅地方，營造安全感。
（五）維持貓砂盆衞生
貓咪極之愛乾淨，砂盆太污糟佢哋會憋尿。砂盆數量建議係「貓數 + 1」，等佢哋隨時可以舒服排尿。
用「隱血貓砂」隨時監測泌尿健康！
肉眼睇到血尿嗰陣，通常已經好嚴重。貓咪好忍得痛，如果我哋可以提早發現「尿隱血」，就可以把握黃金治療期。
汪喵星球推出嘅「隱血貓砂」，幫剷屎官用最簡單嘅方法守護主子：
- 極高靈敏度，可以偵測出極微量嘅血紅蛋白，代替肉眼提早警報。
- 10 秒內快速變色，結果維持 48 小時，就算要返工都唔怕睇唔到結果。
砂入面加咗檢測顆粒，一遇到血紅蛋白就會變色，顏色愈深代表血液濃度愈高。
特別係公貓、胖胖貓、食乾糧為主或者易焦慮嘅主子，強烈建議使用。
汪喵星球隱血砂，每次尿尿都係一次微體檢！
汪喵星球，始終以毛孩為本。
我哋相信，毛孩就同小朋友一樣，值得擁有最好嘅選擇。
因此，我哋始終以毛孩嘅需求為出發點，由主食、零食、保健品到貓砂，持續研發貼近需求嘅產品。汪喵星球更希望透過每一次日常觀察，幫家長了解毛孩喜好，陪住主子一齊健康快樂咁慢慢變老！
