本文用字遵循寵物糧食及相關規範審慎調整，盡可能清楚傳達資訊嘅同時，避免使用可能產生誤解嘅詞語，感謝各位毛拔麻嘅體諒同理解！
貓皰疹病毒係咩嚟？
貓皰疹病毒學名為 Feline Herpesvirus-1（FHV-1），係一種具備高度傳染性嘅病毒，可以輕易透過飛沫同接觸傳染，就算係媽咪貓亦有機會垂直傳染畀自己嘅小朋友。由於呢種病毒主要影響貓咪嘅呼吸道同眼睛，俗稱為「貓鼻氣管炎」或者「貓流感」。
貓皰疹病毒喺全球貓科動物入面都非常普遍，更有研究顯示，貓咪接觸 FHV-1 感染源嘅機率高達 97%，可見大多數嘅貓咪都有機會接觸或者感染到呢種病毒。
你屋企嘅主子最近係咪一直流鼻水？原本以為只係普通感冒，但一個星期過去都仲未好轉？呢個時候，請各位毛拔麻注意，毛孩好大機會感染咗貓皰疹病毒，建議盡快帶佢去睇獸醫！
貓皰疹病毒有咩徵狀？點樣判斷？
貓咪感染皰疹病毒，一開始大多數只係好似感冒咁影響呼吸道，跟住就有機會波及眼睛，嚴重嗰陣甚至會影響皮膚。貓皰疹病毒徵狀會隨住病情發展而有所唔同，以下係常見徵狀：
（一）呼吸道徵狀
皰疹病毒最先影響呼吸道，徵狀與感冒類似，包括：
- 打噴嚏
- 流鼻水
- 咳
- 發燒
- 呼吸困難
（二）眼睛徵狀
病毒有機會進一步影響眼睛，導致：
- 流眼淚
- 眼部分泌物（眼屎）增加
- 結膜炎（眼睛紅腫）
- 角膜潰瘍
（三）皮膚徵狀
如果病情變得更加嚴重，面部周圍嘅皮膚就有可能出現以下問題：
- 發紅
- 腫脹
- 結痂
- 甩毛（掉毛）
（四）其他徵狀
除咗呼吸道、眼睛、皮膚徵狀，仲可能會：
- 冇胃口（食慾不振）
- 精神不振、成日瞓覺（嗜睡）
如果發現毛孩有上述徵狀，建議盡快去獸醫院檢查，費事錯過黃金治療時間！
貓皰疹病毒會傳染嗎？點樣傳染？
貓皰疹病毒具有高度傳染性，不過只限喺貓科動物之間傳播，並唔會傳染畀人類、狗狗或者其他動物。主要透過以下途徑傳播：
● 飛沫傳染：當感染咗嘅貓咪打噴嚏或者咳嗰陣，病毒會隨住飛沫散佈到空氣入面，附近嘅貓咪一旦吸入咗呢啲帶有病毒嘅空氣，就有可能受到感染。
● 接觸傳染：如果毛孩碰到帶原貓咪嘅眼、口、鼻分泌物，或者舔到沾有病毒嘅物品（好似共用嘅貓碗、玩具、貓砂盆等），就有機會被傳染。
● 母子垂直傳染：帶有病毒嘅媽咪貓有可能喺懷孕或者餵奶期間將病毒傳染畀幼貓。
貓皰疹病毒可以醫嗎？點樣照顧？
目前仲未有特效藥可以直接根除貓皰疹病毒，因此治療主要採取「支持性療法」，減輕徵狀並緩解不適。常見嘅治療方法包括：
- 抗生素：預防或治療因感染貓皰疹病毒後引發嘅二次細菌感染。
- 舒緩鼻塞同噴嚏嘅藥物：減輕呼吸困難、打噴嚏等不適徵狀。
- 吊鹽水（輸液治療）：幫冇胃口或者脫水嘅貓咪補充水分同電解質。
- 手術：如果角膜潰瘍嚴重，可能需要透過手術治療。
- 日常照護：除咗配合獸醫治療，毛拔麻仲可以透過以下方法幫毛孩恢復 ↓
- 提供乾淨、舒服嘅生活環境
- 畀毛孩充足嘅營養同水分
- 確保貓咪有足夠嘅休息時間
- 徹底清潔同消毒生活環境，避免毛孩再度感染
貓皰疹病毒點樣預防？
預防貓皰疹病毒嘅關鍵係定期打預防針、維持免疫力、同埋保持環境整潔。
（一）定期接種疫苗
貓皰疹病毒已經包含咗喺常見嘅「三合一疫苗」入面，每年定期接種能有效降低感染風險，就算最後不幸感染，徵狀都會比較輕微㗎！
（二）維持免疫力
免疫力係對抗病毒嘅最佳防線！透過以下方法，可以有效提升毛孩嘅免疫系統：
● 補充離胺酸：汪喵星球 100% Pure 純離胺酸成份純淨、好吸收，對維持眼睛、鼻同呼吸道健康非常有幫助，有助維持毛孩嘅免疫力㗎！
https://www.dogcatstar.com/product/l-lysine/
延伸閱讀：點解貓咪要食離胺酸？離胺酸功效、用量、副作用一次詳解
● 飲食均衡：確保毛孩攝取充足嘅水分同蛋白質，等毛孩頭好壯壯！
（三）維持生活環境整潔
保持生活環境乾淨同舒服，對預防貓皰疹病毒至關重要！建議毛拔麻定期清潔同消毒貓碗、貓砂盆、玩具等用品，避免病菌殘留，保護毛孩健康！
貓皰疹病毒 FAQ！
Q1：貓皰疹病毒會自己好返嗎？
如果貓咪嘅抵抗力夠強，就算感染貓皰疹病毒，亦有可能自行康復。但如果初期嘅呼吸道徵狀（好似打噴嚏、流鼻水）超過一個星期都仲未改善，建議毛拔麻盡快帶毛孩睇醫生，費事病情惡化。
Q2：貓皰疹病毒幾耐會好？
大多數貓咪喺感染貓皰疹病毒後，可以喺 2 至 3 個星期內康復，但大約 80% 嘅貓咪會終生帶原。當佢哋壓力大或者免疫力下降嗰陣，病毒就有機會再次活躍，導致徵狀復發。另外，部分貓咪可能會演變成慢性眼疾，好似角膜潰瘍或者慢性角膜炎，影響視力與眼睛健康。
Q3：貓皰疹病毒會致死嗎？
貓皰疹病毒嘅徵狀如果持續超過一個月，有可能會導致細菌二次感染，進一步影響支氣管同肺部，嚴重嗰陣甚至有機會危及生命。因此如果貓咪嘅狀況遲遲冇好轉，請盡快帶毛孩去睇醫生，千祈唔好錯過最佳治療時機。
Q4：貓皰疹病毒有後遺症嗎？
有啲貓咪喺感染貓皰疹病毒後，可能會出現後遺症，好似慢性鼻炎、結膜炎或者角膜潰瘍等。但只要及時治療同妥善照護，大多數貓咪都可以恢復正常生活。
汪喵星球，始終以毛孩為本。
我們相信，毛孩就和小孩一樣，值得擁有最優質的選擇。
因此，我們始終以毛孩的需求為出發點，從主食、零食、保健品到貓砂，持續打造極致、提供上百款貼近需求的產品，帶給毛孩幸福又健康的生活。
汪喵星球更希望透過每一次的日常觀察，幫助毛拔麻了解毛孩喜好，讓毛孩過得更好，陪我們一起慢慢變老！
