木天蓼係貓界萬能藥？一文睇清木天蓼與蟲癭果分別、功效及正確餵法
2026-02-12
各位貓奴應該都有聽過「貓界毒品」 —— 木天蓼（Silvervine）同蟲癭果，但你知唔知佢哋其實係嚟自同一種植物？而且並唔係隻隻貓都有反應，如果一次過畀得太多或者時間太耐，主子好可能會對佢「免疫」㗎！ 木天蓼、蟲癭果到底係咩？有咩功效？貓咪食咗會唔會上癮？ 木天蓼（Silvervine），學名 Nepeta cataria，屬於獼猴桃科，係一種來自高海拔山林嘅木質藤本植物。 木天蓼含有「木天蓼內酯」同「獼猴桃鹼」等特殊生物鹼，會刺激貓咪鼻腔內嘅費洛蒙受器，達到興奮、減壓、放鬆嘅效果。所以主子接觸完先會出現打滾、流口水甚至四處瘋狂奔跑嘅「斷片」行為呀～ 蟲癭（粵音：影）果（Insect Gall Fruit），其實就係木天蓼樹嘅果實！ 點解唔叫木天蓼果呢？因為當木天蓼樹開花結果嗰陣，會吸引一種叫「木天蓼小蜂」嘅昆蟲入去產卵，產生「蟲癭現象」。呢種現象會令果實成分變異，外表變到凹凸不平，但生物鹼濃度反而變高，所以被稱為「蟲癭果」。 除咗幫主子紓壓，仲可以促進食慾同埋磨牙。木天蓼喺日本更被譽為「貓咪萬能藥」㗎！ 因為含有大量生物鹼，主子用完會覺得好興奮，慢慢進入放鬆狀態，係主子無聊時振奮精神嘅天然好玩具。 ． . .
