唔知各位毛拔麻有無觀察過主子嘅嘔吐物呢？大多數時候可能係未消化晒嘅乾糧或者毛球，但有時會係一灘黃水！
貓咪嘔黃水嘅情況可以由好多因素引起，由簡單嘅消化不良到潛在嘅健康問題都有可能。汪喵幫各位毛拔麻整理好點樣預防同處理嘅正確方法，幫大家更好地照顧屋企主子！
貓咪嘔出嚟嘅黃色液體係咩嚟？
如果貓咪嘔吐物呈現「黃色」，可能係因為入面含有「膽汁」或者「胃酸」。通常淡黃色係胃液，黃綠色就係膽汁，大多同腸道問題有關。
胃液係幫貓咪消化食物嘅液體，而膽汁係由肝臟分泌、儲存喺膽囊入面嘅黃色液體，用嚟促進脂肪同膽固醇嘅消化吸收。
當貓咪食嘢嗰陣，膽汁會被釋放到小腸幫手消化。如果貓咪空肚（空腹）時間太耐，膽汁就有機會回流到胃部，刺激胃壁引發嘔吐。呢個係貓咪嘔黃水最常見嘅原因之一。
點解有時黃水會帶泡？當主子嘔出嚟嘅黃水帶泡，可能代表胃入面嘅氣體同胃酸混合咗。通常係因為胃部受到過度刺激，可能係因為太耐無食嘢或者消化系統出咗問題。
貓咪嘔黃水 4 個常見原因！
（一）空肚時間過長
長時間無食嘢會令主子胃入面嘅膽汁累積，刺激胃壁導致嘔吐。呢種情況下，嘔出嚟嘅通常係膽汁同胃酸嘅混合物。
（二）毛球問題
貓咪舔毛嗰陣會吞落大量毛髮，呢啲毛消化唔到，會喺胃入面同食物殘渣形成毛球。
當毛球積到咁上下，主子就會嘔毛球出嚟，通常會伴隨少量膽汁。呢種情況喺長毛貓身上特別常見，但短毛貓都有機會發生。
延伸閱讀：【犬貓常見疾病】毛球症成因同預防方法
（三）誤吞異物
主子有時會唔小心食咗唔應該食嘅嘢，好似橡筋、飲管套呢啲家居常見小物。呢啲異物會導致腸道阻塞或者刺激胃部，引發嘔吐。
（四）飲食不當或轉糧太快
貓咪對飲食變化好敏感。突然轉糧（例如由乾糧轉做全罐頭）或者食咗質素唔好嘅食物，都可能導致消化不良而嘔黃水。
貓咪嘔黃水 4 個潛在健康隱憂！
提醒各位毛拔麻，如果擔心主子有以下問題，一定要搵專業獸醫檢查同治療！
（一）肝膽疾病
肝臟或者膽囊出問題會令貓咪嘔黃水，通常仲會伴隨食慾減退、黃疸（皮膚同眼白變黃）等徵狀。
（二）胰臟炎
胰臟發炎會影響消化功能，導致嘔吐、肚痛、冇精神同埋唔肯食嘢。診斷呢種病通常要做驗血同影像檢查。
（三）腸胃炎
腸胃炎通常會伴隨嘔吐、肚痾同冇胃口，可能係由感染、食物過敏引起。治療方法要視乎成因，例如用抗生素或者改變飲食。
（四）糖尿病與腎臟病
呢啲常見嘅老貓病都會引致嘔吐，仲會有其他徵狀，好似飲多咗水、尿量增加或者體重跌得好勁。
| 疾病名稱 | 主要徵狀 | 其他可能徵狀 | 成因 | 治療方式 |
| 肝膽疾病 | 嘔黃水 | 冇胃口、黃疸、瘦咗好多 | 肝炎、膽囊炎、膽石、脂肪肝等 | 藥物治療、轉食低脂高品質蛋白糧 |
| 胰臟炎 | 嘔、肚痛 | 冇神氣、唔食嘢、發燒、脫水 | 飲食太油、肥胖、藥物反應、感染 | 藥物治療、轉食易消化糧、補充胰酶 |
| 腸胃炎 | 嘔、肚痾 | 唔肯食嘢、發燒、脫水 | 病毒/細菌感染、過敏、誤吞異物、壓力 | 少量多餐、止嘔/止瀉藥、抗生素、益生菌 |
| 糖尿病 | 嘔、飲多尿多 | 食極唔肥、冇力、毛質差、口炎 | 胰島素不足或產生抗性 | 打胰島素針、飲食控制、監測血糖 |
| 腎臟病 | 嘔、冇胃口 | 尿頻、體重跌、虛弱、口臭潰瘍 | 腎炎、腎衰竭、遺傳病等 | 食低磷蛋白糧、皮下補水、藥物治療 |
延伸閱讀：犬貓慢性腎病可以預防？腎病徵兆同常見迷思
主子嘔黃水嗰陣應該點做？
（一）冷靜觀察主子徵狀
如果主子只係間唔中嘔一次，而且精神同食慾都正常，毛拔麻可以先觀察一兩日。
嘔毛係嘔黃水嘅常見原因，特別係長毛貓。除咗勤啲幫主子梳毛，仲可以用排毛粉幫佢排出毛球。
出面好多化毛膏其實含有礦物油同有害化學嘢（好似反式脂肪、防腐劑咁），唔單止幫唔到嘔毛，仲會傷身。
汪喵寵物天然排毛粉成份天然，只有洋車前子、菊苣纖維同日本頂級酵素，加埋優質油脂，幫手潤滑腸道！
（二）幾時要睇獸醫？
如果情況持續或者變差，例如：
- 嘔黃水帶泡：可能係胃部受到嚴重刺激，持續發生一定要諮詢獸醫。
- 嘔黃水兼無精打采：呢個係危險信號！可能係脫水或者嚴重感染，一定要即刻睇醫生。
總之，主子嘔得頻密就唔好等，即刻帶佢去做全面檢查。
點樣預防貓咪嘔黃水？
（一）定時餵食，避免空肚太耐
長時間空肚會令膽汁積喺胃入面，引起嘔吐。毛拔麻可以考慮「少食多餐」，確保主子胃入面有嘢去中和胃酸。
（二）減少毛球形成
除咗勤梳毛，每日餵食天然排毛粉係最好嘅選擇。避開化學合成嘅化毛膏，由源頭保護主子腸胃健康。
（三）轉糧要循序漸進
主子胃口好挑剔，腸胃亦好敏感。轉糧嗰陣一定要逐少混合，用一星期時間慢慢增加新糧比例。揀高品質、成份透明嘅貓糧亦都好重要！
（四）留意行為同定期驗身
早啲發現主子唔舒服，就可以早啲醫。定期帶主子去驗身（體檢），特別係老貓，係預防重病嘅最好方法。
（五）飲夠水至醒目
確保主子隨時有乾淨新鮮嘅水飲。水分充足對消化系統同腎臟健康都非常關鍵，可以減少好多嘔吐問題。
汪喵星球，始終以毛孩為本。
我們相信，毛孩就和小孩一樣，值得擁有最優質的選擇。
因此，我們始終以毛孩的需求為出發點，從主食、零食、保健品到貓砂，持續打造極致、提供上百款貼近需求的產品，帶給毛孩幸福又健康的生活。
汪喵星球更希望透過每一次的日常觀察，幫助毛拔麻了解毛孩喜好，讓毛孩過得更好，陪我們一起慢慢變老！
