點解主子瞓覺個位突然變咗？貓咪睡覺位置原來反映咗佢對你嘅諗法？快啲嚟睇吓你屋企嗰隻係邊一種啦！
貓咪睡覺位置 1：靠腳、床邊
- 靠腳或床邊：信任度 ⭐⭐
雖然主子對你有一定嘅信賴感，但可能因為某啲原因想保持距離，例如驚被你轉身嗰陣踢到，所以先會揀一個離你近、但又有自己空間嘅位置呀！
貓咪睡覺位置 2：頭嘅周圍
- 頭嘅周圍：信任度 ⭐⭐⭐⭐
貓咪願意睡喺你個頭上面或者隔籬，代表佢當你係家人、同伴，係一個令佢覺得極之安心嘅存在！
除此之外，呢個位仲可以聞到毛拔麻頭髮同頭皮等熟悉嘅氣味，有助於氣味交換同標記，令主子可以安穩咁進入夢鄉。
貓咪睡覺位置 3：身邊、懷抱入面
- 身邊或懷抱入面：信任度 ⭐⭐⭐⭐⭐
如果主子願意主動鑽入被窩，代表佢超級愛你、對你嘅警戒心近乎零！
除咗非常信賴你之外，亦都有可能係因為覺得被窩入面比較暖，想搵你取暖呀。
貓咪睡覺位置 4：床以外嘅地方
- 床以外嘅地方：信任度 ⭐
主子對你仲未有足夠嘅安全感，所以需要隨時保持警戒，留意周圍狀況。毛拔麻平時可以陪佢多啲、多啲互動，慢慢增加好感度啦！
睇完咁多種睡覺位置，你屋企嗰隻主子係邊一種呢？同平時對你嘅態度一唔一樣？今晚返去觀察吓啦！
汪喵星球，始終以毛孩為本。
我們相信，毛孩就和小孩一樣，值得擁有最優質的選擇。
因此，我們始終以毛孩的需求為出發點，從主食、零食、保健品到貓砂，持續打造極致、提供上百款貼近需求的產品，帶給毛孩幸福又健康的生活。
汪喵星球更希望透過每一次的日常觀察，幫助毛拔麻了解毛孩喜好，讓毛孩過得更好，陪我們一起慢慢變老！
