貓咪次次剪甲好似打仗？專業訓練師教你 3 招令主子乖乖就範！

每次幫貓咪剪指甲都好似打仗咁？成日上演你追我趕、主子極力掙脫，有時仲會被利爪抓到損晒。其實貓咪唔係驚剪指甲，只係我哋剪嘅時機唔啱！用正確嘅方式剪甲，除咗可以保護毛拔麻，亦可以令貓咪舒服又放鬆！

汪喵星球特別邀請咗 專業寵物行為訓練師 – 單熙汝 教你點樣輕鬆成為貓咪美甲師！

了解貓咪指甲構造，揀啱下刀方向，先可以避免主子受傷、對剪指甲留低陰影！

貓咪嘅指甲係半透明嘅，可以見到入面粉紅色嘅血管，嗰度含有好多神經。所以剪甲嗰陣一定要避開血管，主子先唔會痛到流血。

由於貓咪指甲可以自行伸縮，平時會收埋，所以剪甲嗰陣需要輕輕按壓肉墊（肉球）同指頭中間嘅位置，先可以將指甲「迫」出嚟。

 
1. 正確下刀方向，避免指甲碎裂

 

2. 下刀位置距離血管最少要有 2 mm 距離

 

3. 貓咪前腳有五隻、後腳有四隻趾頭，每隻都要剪到，費事指甲太長斷裂或者嵌咗入肉墊入面

STEP 1. 揀啱落手時機

當貓咪主動過嚟你身邊休息或者瞓覺嘅時候，係主子同毛拔麻最放鬆嘅時刻，可以好好利用呢段甜蜜時光嚟剪指甲。

STEP 2. 營造好心情、建立信任感

用主子平時最鍾意嘅撫摸方式，好似平時咁樣摸佢，等貓咪進入一個「好情緒」。

STEP 3. 揀啱落刀時刻

如果貓咪俾你摸到冇晒反應，或者瞇埋眼，通常就代表好享受。

呢個時候可以先試下剪一隻，順利剪到之後，貓咪就會覺得：「原來剪甲都冇咩好驚啫」。因為過程冇危險亦唔會痛，佢哋就會慢慢放鬆，當係日常活動咁。

每隻貓嘅指甲生長速度都唔同，通常建議半個月至一個月修剪一次。

其實貓咪唔係天生驚剪指甲，而係我哋令呢件事變得好恐怖！揀啱時機非常重要，換個方法落手，主子剪甲就完全冇壓力！

千祈唔好喺貓咪好活躍嗰陣剪指甲！

如果主子正喺度跳上跳落、肚餓等緊食嘢、或者好興奮想玩玩偶（玩逗貓棒），就絕對唔適合剪甲。

因為貓咪越活躍，我哋就越要夾硬捉住佢。但強行捕捉會令貓咪感到好驚，反而會掙扎得仲勁，最後變成要用大毛巾包住或者兩三個人聯手去「捕貓」。

而呢種「被強迫捉住」嘅感覺，就係令貓咪討厭剪指甲嘅主因！搞得唔好仲會破壞埋你哋嘅關係添！

貓咪理解唔到點解要剪指甲，佢哋覺得平時磨多啲爪就搞掂，亦唔會分得出剪甲前後有咩分別。

只要剪甲過程主子身體穩定、唔覺得有壓力就最完美喇！

延伸閱讀：【汪喵冷知識】點解貓貓咁鍾意磨爪？

 
• 鍾意咬人手嘅貓咪，要先解決咬手問題，再練習剪甲

 

• 同你關係未夠親近或者會主動攻擊嘅貓，要先建立信任感再練習

https://www.dogcatstar.com/product/jw_nailclipper/

延伸閱讀：幼貓咬人點算好？訓練師教你 2 招改善小貓咬人問題

我們相信，毛孩就和小孩一樣，值得擁有最優質的選擇。

因此，我們始終以毛孩的需求為出發點，從主食、零食、保健品到貓砂，持續打造極致、提供上百款貼近需求的產品，帶給毛孩幸福又健康的生活。

汪喵星球更希望透過每一次的日常觀察，幫助毛拔麻了解毛孩喜好，讓毛孩過得更好，陪我們一起慢慢變老！