貓咪耳朵向前代表開心？向後貼代表嬲？原來貓咪會透過耳仔嚟表達情緒。最得意嘅係，貓咪耳仔唔單止識「講嘢」，聽力仲係人類嘅三倍添！
快啲嚟睇吓主子對耳仔仲收埋咗咗咩秘密啦！
貓咪耳仔方向代表咩意思？
雖然貓咪唔識講嘢，但耳仔方向就係佢哋最直接嘅肢體語言：
- 貓咪耳仔朝前豎起：平靜放鬆、Chill 緊
- 貓咪耳仔直立微前傾：好奇、興奮、想玩
- 貓咪耳仔平貼（飛機耳）：警戒、驚驚、唔耐煩
- 貓咪耳仔完全向後貼：高度緊繃、準備開戰（憤怒）
貓咪聽力到底有幾勁？
貓咪耳仔聽力係人類嘅三倍，聽覺非常敏銳，就算係好細微嘅聲都有可能對佢哋造成干擾。所以平時你叫佢，佢一定聽到，只係純粹唔想理你！
- 貓咪聽到嘅低頻頻率同人類差唔多，但高頻就比人類高好多。
- 貓咪耳仔總共有 30 條肌肉，可以 180 度靈活轉動，精準判斷聲音喺邊度嚟。
咩係「聰明毛」？可以剪嗎？
貓咪耳仔上面嗰幾條長毛叫「耳脊毛」，俗稱「聰明毛」，功能係幫貓咪收集空氣中嘅震動、加強聽力。千祈唔好亂剪聰明毛，否則會令貓咪感知唔到正確聲源，變到好驚同好焦躁㗎！
貓咪耳毛主要分兩種：
- 耳脊毛（聰明毛）：幫貓咪收集空氣震動，令聽力更加立體同靈敏。
- 耳飾毛：功能就好似人類嘅眼睫毛咁，可以阻擋外面嘅污糟嘢或者昆蟲入耳仔。
貓咪真係聽到地鳴、預測到地震？
因為貓咪聽力比人類敏銳得多，佢哋好大機會係因為聽到地鳴、感應到磁場或者靜電等細微變化，所以先會提前提高警覺！
主子耳仔點樣清潔先正確？
建議用潔耳液搭配濕紙巾擦拭，千祈唔好用棉花棒清潔呀！
香港天氣潮濕，貓咪耳仔好易積聚污垢，生細菌或者發炎。嚴重嘅話仲會影響聽力，所以記得要定期清理！
可以參考以下 3 個清潔方法：
- 唔好用棉花棒：貓咪耳道係 L 型，亂挖好易將耳屎越塞越入。
- 使用潔耳滴劑：有效軟化耳垢，做深層清潔。
- 用濕紙巾擦拭：揀一啲毛孩友善成份、無酒精嘅濕紙巾，溫和清潔就最安心。
延伸閱讀：貓咪視力好差？係咪色盲？揭開 4 個貓咪眼睛嘅秘密
延伸閱讀：貓咪搖尾巴代表唔開心？5 種貓尾意思，解讀主子嘅喜怒哀樂
Sale!
Sale!
