對主子又愛又怕、想摸又唔敢摸？即刻下滑睇「擼貓全攻略」啦！
教你點樣正確摸貓，仲有邊啲係摸貓禁忌要記住！
貓狗禁區大唔同！千萬唔好將摸狗狗嗰套直接用喺貓咪身上，否則好易會被「開餐」抓傷㗎！
主子嘅頭頂同屁屁（尾龍骨位）一帶，通常算係「安全區」，至於其他部位就要睇主子當時嘅心情喇！
正確摸貓 3 步驟！
1. 先放低身段、緩慢靠近，呢個係對至高無上主子嘅基本尊敬。
2. 跟住伸手畀貓咪聞吓，先同佢打個招呼，睇吓佢肯唔肯畀你親近。
3. 如果主子無閃避，就可以由下巴、頭頂、耳後慢慢「攻略」喇！
摸貓都有禁忌㗎！
例如：強迫主子畀你摸、喺佢玩得興起嗰陣摸、或者摸得太耐，呢啲都係貓咪嘅地雷，小心一個唔留神佢就會「爆發」。
貓咪翻肚仔，即係叫你摸佢？
其實露肚皮係貓咪嘅肢體溝通，通常代表 3 種心情：
1. 表示信任（我覺得好安全）
2. 表示無惡意（我無威脅㗎）
3. 表示唔爽（其實我係想用四肢同牙攻擊你，唔好再摸！）
貓咪係天生比較敏感、自我嘅動物，想擼得佢舒服都唔係咁容易㗎～
除咗了解主子鍾意被摸嘅部位，仲要記住上面講嘅禁忌呀！
以上就係摸貓攻略！各位剷屎官學識未？
【延伸閱讀】貓咪推嘢落地係因為好奇！？ 揭開主子「手滑」真相
Sale!
