細貓咬人點算好？專業訓練師教你正確幫幼貓放電、戒掉咬手惡習！

幼貓體⼒滿滿，真係一刻都安靜唔落嚟。

細貓⾃從戒奶之後，為了邁向獨立成長之路，⾸要條件就係要學識⾃行打獵嚟溫飽、保護⾃⼰，所以同同伴模擬狩獵係佢哋每日最主要嘅任務。

但如果無適當咁「放電」去消耗精力，好可能會搞到幼貓咬人或者破壞家俬…

點樣解決幼貓咬人問題？細貓咬人嗰陣點樣教？點樣用遊戲轉移主子注意力？點樣同幼貓正確玩嘢？

汪喵邀請到專業寵物行為訓練師 — 單熙汝，同大家分享「點樣正確同幼貓玩」，幫主子模擬狩獵、消耗精力，以及千祈要留意「搞到幼貓咬人嘅 3 大 NG 行為」。

幼貓咬人係因為佢哋正處於狩獵本能最旺盛嘅階段，需要透過玩耍模擬狩獵嚟消耗精力。

狩獵對於細貓嚟講，係除咗食同睡之外，最重要嘅事。

普遍 2 – 6 ⽉大嘅貓咪，每⽇狩獵需要嘅時間會達到貓⽣嘅最⾼峰。隨住慢慢長⼤，狩獵時間就會縮短，睡眠時間亦會長返⼀啲。

呢個時期嘅幼貓幾乎無時無刻都諗住要狩獵，亦即係遊戲同玩耍。

如果屋企無豐富嘅狩獵環境同⽬標，幼貓會本能咁搵任何可以成為獵物嘅嘢，可能係你副眼鏡、棉花棒、家中另⼀隻貓，甚至係毛拔麻本人！所以大家就好易得出一個結論：「我隻貓好鍾意咬⼈」。

所以作為幼貓家長，每日必須引導佢哋將追逐狩獵嘅心機放喺啱嘅目標上面，有技巧咁幫主子放電！

想減少幼貓咬人嘅頻率，最重要係「正確放電」。透過模擬遊戲同佈置環境，可以有效引導主子將精力用喺啱嘅地方。

想減少主子咬人，可以試下學點樣「逗」佢，消耗佢哋狩獵嘅體力。

如果主子對逗貓棒無興趣？可能係因為毛拔麻未掌握到秘訣。盡量將逗貓棒、障礙物、貓連成⼀直線。貓同逗貓棒之間一定要有障礙物，等「獵物」可以匿埋，亦等主子有機會埋伏。

主子抓到逗貓棒之後，要「等待」佢放⼿或者鬆⼝，毛拔麻先好再郁支棒將獵物藏起。

絕對唔好同貓咪拉扯獵物，咁樣會令主子覺得抓唔到或者資源不⾜，從而產生挫敗感。

另外，貓咪活動其實唔一定要跳上跳落或者喺屋企跑 100 米，呢類遊戲效果未必最大。

可以利⽤紙箱、貓抓板、貓隧道等擺出⼀個遊戲區，等獵物喺區內躲藏。呢種方式可以令主子更專注思考點樣撲抓，放電效果事半功倍呀！

想矯正咬人問題，避開「誤導行為」先係重點。

大家最關心點樣教主子唔好咬人，答案係：無一個方法係啱晒全部貓，但一定要切記以下 3 件 NG 事，可以防止問題惡化！

常見嘅情況係想阻止主子做某啲嘢嗰陣，會夾硬捉住佢或者抱起佢。呢個動作會令主子覺得自己被獵捕，本能咁想掙脫或者抓咬，反而增加咗佢哋對「手」嘅厭惡感同狩獵反應。

建議可以等主子學習簡單嘅引導指令，用引導嘅方式叫佢行開。

貓咪專注緊喺狩獵狀態嗰陣，如果你突然伸隻手埋去，佢會判斷你隻手都係狩獵遊戲嘅一部分，主子會誤以為你想用手同佢玩模擬狩獵！

人類擅長語言溝通，習慣用「講嘢」同貓傾偈，但主子未必理你。當你發現主子對會郁嘅嘢有反應，就用手做埋啲動作引佢衝過嚟。

雖然可以成功引到佢，但對細貓嚟講，佢會認為你隻手就係好玩嘅獵物，間接訓練咗佢去咬你嘅手腳。

幼貓時期係精力最旺盛嘅階段，亦係建立感情最好嘅時機。

好多嘢都要透過耐心學習同訓練去達成，需要毛拔麻更多嘅包容同了解。學識正確玩耍方式，主子玩得開心之餘，你對手都唔使再受傷呀！

延伸閱讀：貓奴必修逗貓學！訓練師教你 3 大秘訣、DIY 貓玩具

延伸閱讀：細貓照顧指南！幼貓食咩、點樣養注意事項全攻略

延伸閱讀：新手養貓必讀！用品準備、環境佈置及常見 Q&A

我們相信，毛孩就和小孩一樣，值得擁有最優質的選擇。

因此，我們始終以毛孩的需求為出發點，從主食、零食、保健品到貓砂，持續打造極致、提供上百款貼近需求的產品，帶給毛孩幸福又健康的生活。

汪喵星球更希望透過每一次的日常觀察，幫助毛拔麻了解毛孩喜好，讓毛孩過得更好，陪我們一起慢慢變老！