點解狗狗最鍾意藍色玩具？拆解狗狗視力 3 大迷思：視野、顏色、近視全攻略！

好多人都以為狗狗係色盲，一世只係睇到黑白兩色，但其實狗狗眼入面嘅世界係以 3 種顏色為主㗎！

今日就嚟打破關於狗狗視力嘅謠言：狗狗係咪大近視？狗狗係咪睇到身後嘅嘢？點解佢哋特別鍾意某啲顏色嘅玩具？跟住汪喵一齊嚟了解主子眼入面嘅世界啦！

狗狗其實只能夠睇到藍色、黃色，同埋其他深淺唔同嘅灰色。呢個係因為狗狗嘅眼睛只有兩種椎狀細胞，而人類就有三種。

狗狗係名副其實嘅「大近視」，佢哋通常只能夠睇清楚 6 米以內嘅嘢，所以太遠嘅景物，狗狗其實係睇唔清㗎。

不過，佢哋對郁動嘅嘢非常敏銳！喺狗狗眼中，快速移動嘅物體就好似慢動作咁，令佢哋可以精準咁捕捉獵物（或者你掟出去嘅波波）！

狗狗對眼生喺面部兩側，令佢哋嘅視野可以達到 240 度。只要獵物喺呢個範圍出現，佢哋就可以極速發現。相比之下，人類只能夠睇到前方大約 200 度，視覺範圍窄好多！

正因為狗狗只能夠睇到藍色同黃色，所以佢哋對呢兩種色嘅嘢反應特別大！

剷屎官可以測試吓！你屋企隻主子係咪真係比較鍾意藍色或者黃色嘅玩具呢？

我哋相信，毛孩就同小朋友一樣，值得擁有最好嘅選擇。

因此，我哋始終以毛孩嘅需求為出發點，由主食、零食、保健品到貓砂，持續研發最貼近需求嘅產品，帶畀佢哋幸福又健康嘅生活。

汪喵星球更希望透過每一次嘅日常觀察，幫家長了解毛孩喜好，陪住主子一齊健康快樂咁慢慢變老！