本文用詞遵循寵物食品相關規範審慎調整，盡可能清楚傳達資訊嘅同時，避免使用可能產生誤解嘅詞語，感謝各位家長嘅體諒同理解！
狗狗濕疹嘅原因好多種，常見嘅有以下幾個方面：
狗狗可能對單位環境入面嘅物質或者食材過敏，例如花粉、塵蟎、雞肉、牛肉等，導致皮膚發炎同濕疹。
跳蚤、蜱蟲、蟎蟲等寄生蟲會咬傷皮膚，引起強烈痕癢同過敏反應，主子會反覆抓、舔身體，進而引發濕疹。
延伸閱讀：【常見疾病】貓狗寄生蟲感染全攻略
香港夏天又濕又悶，呢種天氣最易滋生細菌同黴菌，令濕疹搵上門。
用咗唔啱狗狗皮膚 pH 值嘅洗毛水或護理品，會刺激皮膚令肌膚屏障變脆弱。
主子壓力大或者太悶嗰陣，可能會過度舔毛或抓皮膚，造成破損感染。
缺乏 Omega-3 脂肪酸、維他命 A、E 同鋅等重要營養，會令皮膚抵抗力下降。
長期包尿片嘅狗狗容易有濕疹，情況好似小朋友嘅「屁屁疹」咁。尿片入面潮濕悶熱，好易令皮膚紅腫發炎。
雖然原因好多，但共同點係：當狗狗免疫系統較弱嗰陣，就最易爆發濕疹。
好似人太攰、瞓唔夠或者天氣突然轉變就易感冒咁，主子免疫系統強健，先可以更好地抵禦外來刺激，減少皮膚出事嘅機會。
患處會明顯變紅，摸落去可能會有啲熱。
剷屎官會見到主子頻繁用腳抓或者用口舔濕疹位。
受影響位置毛髮會變疏，甚至出現圓形禿斑。
傷口好返啲又被抓開，導致反覆結痂、脫落。
長期發炎會令黑色素增生，令嗰塊皮膚變到深啡色或黑色。
長期痕癢會令主子變得煩躁、無耐性，甚至因為瞓得唔好而變得有攻擊性。
唔同成因嘅濕疹醫法都唔同，所以發現徵狀第一時間要去搵獸醫，釐清病因先可以對症下藥：
想主子毛髮亮麗、皮膚健康，除咗睇醫生，食落肚嘅營養都好關鍵：
Omega-3 對心血管同皮膚健康都極之重要，特別係深海魚油，含有豐富嘅 EPA 同 DHA，抗發炎效果最好。
想幫主子護膚兼顧心臟？汪喵星球 85% Omega-3 機能魚油富含高濃度魚油，全齡犬貓都啱用！
維他命 A 幫手維持皮膚屏障，維他命 E 就有強大抗氧化效果。藍莓、胡蘿蔔、菠菜都係天然嘅優質來源。
對傷口癒合好重要，缺乏鋅會令皮膚出現紅斑、皮屑。哈士奇等雪橇犬種要特別留意補充。
輕微濕疹有機會自癒，但大多數情況如果唔理佢會越嚟越嚴重，甚至造成二次感染。建議一發現就去睇醫生，唔好等佢「自然好」。
如果是黴菌（金錢癬）或者寄生蟲引起嘅係會傳染嘅；如果是過敏或遺傳引起嘅就唔會。
視乎嚴重程度。輕微嘅可以用獸醫推介嘅藥用洗劑；嚴重嘅話可能要暫時避免沖涼，一切遵從醫囑。
絕對唔可以！ 人用藥膏嘅成分、濃度同 pH 值都唔啱狗狗，亂搽可能會令病情惡化甚至中毒。
我哋相信，毛孩就同小朋友一樣，值得擁有最好嘅選擇。因此，我哋始終以毛孩需求為出發點，研發最貼近主子需要嘅產品，陪你同主子一齊慢慢變老！
