黑貓係厄運嘅象徵？！即刻下滑睇吓 4 個關於黑貓嘅神秘傳說啦
黑貓其實係超級暖男？！
黑貓外表睇落好神秘，其實內裏超級貼心又愛撒嬌，最鍾意黐住各位剷屎官。
黑貓其實係虎斑貓嚟㗎？！
「虎斑」其實係貓咪嘅毛色特徵，而唔係品種，只要有條紋、斑紋都可以叫虎斑貓。
大家可以觀察吓～黑貓未必係純黑，喺陽光照射下，部分毛髮會透出啡色或者隱約見到條紋！所以喺基因上，佢哋亦都算係虎斑貓嘅一種。
黑貓喺日本係「大吉」嘅象徵！？
招桃花：日本傳說單身女仔養黑貓，可以令戀情更加順利！
招財：喺招財貓文化入面，黑色招財貓被認為去晦氣、招財嘅力量最強大。
各地黑貓傳說大唔同
台灣/香港老一輩 – 代表不吉利
老人家通常認為黑貓比較「邪氣」，特別係「四隻腳白晒」嘅黑貓（踏雪尋梅），傳統迷思認為佢哋會驚擾往生者。
中國傳統 – 避邪鎮宅
古時認為黑貓可以鎮宅、招財。如果屋企覺得不安寧，會請黑貓入屋走一走，幫助驅除邪氣。
古埃及 – 黑貓係守護神
古埃及女神「巴斯特」（Bastet）係貓頭人身，傳說佢夜晚會化身成黑貓守護人間、趕走惡靈。
古意大利 – 預兆病重
傳說如果見到黑貓跳上病人張床，就代表病人可能死期將至，係一種凶兆。
雖然黑貓喺歷史上有咁多神神怪怪嘅傳說，但其實養過嘅人都知，佢哋係最愛撒嬌、最親人嘅「小黑炭」呀！
【延伸閱讀】主子單眼係因為信任你？解開貓咪瞳孔放大縮細嘅秘密！
Sale!
