狗狗搖尾巴嘅意思其實有好多種！佢哋會透過條尾嚟「講嘢」，連搖動嘅方向、速度都代表住唔同情緒。各位家長係咪好想知主子搖尾巴代表咩呢？一齊嚟解密狗狗嘅尾巴語言啦！
狗狗搖尾巴係咩意思？搖左搖右有分別㗎？
Sale!
狗狗尾巴語言 1：喜
狗狗微微張開口、條尾輕快咁擺動，代表佢心情好好。
如果見到佢搖到變成「螺旋尾」，即係代表佢而家極之興奮加開心呀！
狗狗尾巴語言 2：怒
狗狗條尾豎到直一直，而且完全唔郁，代表佢而家好嬲。
如果仲伴隨住耳仔豎起、發出「咕咕」低吼聲，即係狗狗已經進入警戒狀態，隨時會發動攻擊，大家要醒水啲喇。
狗狗尾巴語言 3：哀
狗狗條尾垂低，代表佢感到哀傷或者唔開心。
通常仲會見到佢耳仔都垂埋落嚟，甚至發出好似「嗚嗚」咁嘅悲鳴聲。
狗狗尾巴語言 4：怕
狗狗將條尾垂低仲要夾喺兩條後腿之間（即係「夾住尾巴走」），代表佢感到恐懼、不安，想收埋自己陣味。
呢個時候狗狗好驚、無晒自信，家長記得要畀多啲安慰同鼓勵佢呀！
狗狗尾巴語言 5：樂
狗狗打橫攤喺度仲劇烈搖條尾，代表佢興奮到爆！狗狗肯攤喺度露出最脆弱嘅肚皮，係代表佢對各位剷屎官極之信任同放鬆～
主子見到你嗰陣，條尾通常搖邊邊？會唔會變螺旋槳？搖右邊就代表主子好開心，如果係搖左邊，可能就要多啲關心吓佢喇！
【延伸閱讀】狗狗聽唔聽得明自己個名？ 3 步驟建立名字正向連結！
Sale!
