本文用詞遵循寵物食品相關規範審慎調整，盡可能清楚傳達資訊嘅同時，避免使用可能產生誤解嘅詞語，感謝各位家長嘅體諒同理解！
點解貓咪搬屋後一直叫？甚至唔食唔飲？
搬屋對於貓咪嚟講係件壓力好大嘅事，尤其貓咪係非常高敏感嘅動物，只要進入新環境，就極之容易感到緊張同焦慮！
除咗因為不安而頻繁發出叫聲之外，壓力仲可能令主子無胃口進食或者排泄唔正常，進而引發健康問題。
好彩，喺搬屋之前我哋就可以開始準備，幫主子做好心理建設，慢慢習慣全新嘅舒適環境！
點樣幫主子適應新環境？
根據「搬屋時間線」分成三個階段做好準備，主子嘅情緒越穩定，就越快適應新生活。
（一）搬屋前
● 搬屋前嘅專屬空間
喺執屋期間，可以先將貓咪留喺一個固定嘅房入面生活，等佢唔會咁容易感受到屋企環境嘅劇烈變動。
● 維持原有生活作息
唔好隨便郁主子嘅日常用品，包括貓砂盆、糧碗同貓抓板，維持一如往常嘅飲食時間。
● 提前適應外出袋 / 貓籠
家長可以事先準備搬屋用嘅外出袋，入面擺啲有佢哋味道嘅舊衫、毛毯，或者放啲木天蓼、貓薄荷等放鬆小物，等佢哋對個袋產生好感。
（二）搬屋當日
● 搬屋當日嘅獨立房
喺搬運工人嚟之前，先將主子安置喺一間清空咗嘅房，放好基本用品，等佢可以喺入面上廁所同休息，唔使被搬運嘅嘈音嚇親。
● 主子物品最後先執
貓砂盆、糧碗、水碗呢類充滿安全感嘅嘢，一定要留到搬屋過程嘅最後一刻先執！
● 減少同生保人接觸
搬屋已經令佢哋好焦慮，如果仲要面對咁多生保人（搬運師傅），會令主子更不安。
● 全程使用安全、有隱蔽性嘅外出袋
最好選擇安全性高、可以遮擋視線嘅外出袋款式，主子對外在環境變化就唔會咁敏感。
● 準備流動貓砂盆
如果搬屋路途比較遠，記得準備一個簡易外出貓砂盆，方便主子隨時解決生理需求。
（三）搬屋後
● 全新嘅專屬小天地
入伙新家後，優先為貓咪安排一個固定房或者角落。主子通常喺一個細小、固定嘅空間會最快恢復安全感。
● 畀主子自行探索
到咗新屋，打開袋口由得佢自己行出嚟，唔好夾硬拉佢出嚟。等佢用自己嘅步調去適應新地方。
● 熟悉的氣味
將主人嘅舊衫、帶有舊屋氣味嘅地毯或睡墊擺喺新家，陣熟悉嘅味可以幫佢快速定心。
● 使用貓咪費洛蒙
費洛蒙對安定貓咪情緒好有幫助。入伙初期使用貓咪費洛蒙（如 Feliway）可以令佢哋放鬆啲。
● 誘引進食
主子喺新環境可能會因為驚而唔肯食嘢，呢個時候可以用佢最鍾意嘅罐罐或者零食引佢。肯食嘢先係最緊要！
貓咪適應新環境要幾耐？
普通貓咪大約需要一至兩週就能適應。但以下因素會影響適應時間：
（一）性格：如果主子本來就膽細、怕生保人，適應期會長好多。
（二）創傷經歷：有流浪過、被棄養或受虐經歷嘅貓，對環境改變會更敏感。
（三）有無其他陌生地頭貓：如果新屋本來就有其他貓住緊，主子仲要處理埋社交問題，時間會再拖長。
適應新環境 Q&A！
（一）點解搬屋後主子一直匿埋？
對於膽小或敏感嘅貓，匿埋係正常嘅自我保護機制。家長可以準備啲安全嘅匿埋位（如紙箱、貓竇），等佢覺得安全先慢慢行出嚟。
（二）唔食唔飲、唔上廁所點算好？
呢啲都係焦慮嘅表現。可以先用「重口味」嘅零食或罐罐誘食，並觀察砂盆狀況。如果超過三日完全無食嘢或者無排泄，就一定要搵獸醫幫手。
（三）半夜一直叫點算？
搬屋後嘅嚎叫係焦慮嘅釋放。呢段時間剷屎官可以多啲陪伴，或者喺睡前陪佢玩耐啲，幫佢放電，減輕不安定感。
汪喵星球，始終以毛孩為本。
我哋相信，毛孩就同小朋友一樣，值得擁有最好嘅選擇。
因此，我哋始終以毛孩嘅需求為出發點，由主食、零食、保健品到貓砂，持續研發最貼近主子需要嘅產品。汪喵星球更希望透過日常觀察，幫家長了解主子喜好，陪住佢哋健康快樂咁慢慢變老！
參考資料
- PetMD – Why Your Cat is Not Eating
- Blue Cross – Bringing Your New Kitten Home
- AnimalWised – How long does a cat take to adjust to a new home?
