貓係天生大近視？一文睇清貓咪夜視能力、視野範圍與彩色真相

正常人類可以睇清楚 60 米以內嘅物體，但貓咪只能夠睇清楚 6 米以內嘅嘢。所以同人相比，貓咪真係名副其實嘅「大近視」㗎！

雖然貓咪視力係近視，但動態視力（Dynamic Vision）比人類好得多！因為貓咪眼入面嘅「桿狀細胞」數量遠超人類。

因此，貓咪雖然未必睇得清細節，但對高速移動嘅嘢反應極之敏銳。呢種天賦可以幫佢哋喺狩獵過程中，迅速捕捉不斷變換方向嘅小動物！

當貓咪直視前方嗰陣，雙眼嘅視野達到 285 度咁多！所以當你默默企喺主子後面，佢其實係睇得到你㗎～

貓喺昏暗光線下嘅視力，係人類嘅 6 到 8 倍。

呢個係因為貓咪擁有大量桿狀細胞、橢圓形瞳孔、大角膜同埋絨氈層（Tapetum Lucidum）。所以到咗半夜，佢哋睇嘢真係清楚過奴才好多㗎！

以前啲人以為貓咪係全色盲，但目前研究證實，貓咪係可以辨認到黃色同藍色，而其他顏色喺佢哋眼中，就係深淺唔同嘅灰色喇！

原來呢個就係主子眼中嘅世界～

剷屎官可以觀察吓，屋企主子係咪真係對藍色同黃色嘅玩具更有興趣呢？

【延伸閱讀】高冷主子其實好愛你！貓咪鍾意你嘅 7 個表現

【延伸閱讀】主子好難摸？教你點樣摸貓唔會被咬