貓狗軟便、拉肚？一文睇清大便形狀、顏色圖鑑，一眼讀明健康警號

．便便是如何產生的

．正常便便型態

．從便便形狀睇健康

．從便便顏色睇健康

．便便入面有異物點算好

 

「糞便」係食物食落肚後，經過腸胃消化剩低未被利用嘅殘渣，混合咗脫落嘅腸道細胞、黏膜同埋細菌。 簡單嚟講，便便就係食物食完後，腸道吸收唔到嘅廢物。

 

一般嚟講，正常嘅大便型態通常具有一致性，包括顏色、形狀同大小。如果貓狗嘅便便突然變咗樣，例如形狀、顏色或者氣味唔同晒，就要特別留意主子嘅健康喇！

1-2 日一次

深啡色

軟硬適中嘅條狀

有陣味，但唔會突然變到極之刺鼻惡臭

無異物、無黏膜。

分辨貓狗便便係咪異常，可以由最易睇嘅型態開始，例如顏色、形狀同內容物，搵出背後可能嘅原因，有需要就要即刻帶去診所。

1997 年發表嘅「布里斯托大便分類法」（Bristol Stool Scale）係分類大便型態最常用嘅方法。呢個法將便便分為七大類，套用喺毛孩身上亦係好好嘅參考指標。

市售最高 70億活菌，幫助腸胃健康、提高抵抗力【腸胃益生菌】 ▶

便便呈一粒粒嘅硬球狀，水分好少而且好難排返出嚟，代表已經有「便秘」危機喇！建議畀主子飲多啲水或攝取膳食纖維，促進腸道蠕動。

延伸閱讀：唔可以小睇「貓便秘」！主子屙唔出點算好？

恭喜各位剷屎官！如果毛孩嘅便便屬於呢兩類，代表佢哋身體好健康，便便亦都好「有型」，請繼續保持！

便便邊緣好光滑，但質地較軟呈塊狀，表示主子可能有輕微軟便或者肚痾跡象，要多啲觀察佢哋嘅胃口同精神狀態。

【補充】
轉糧初期，好可能會遇到便便較濕軟嘅情況，因為唔同牌子嘅營養同消化時間唔同。可以嘗試減慢轉糧速度，等腸胃適應咗先完全取代舊糧。

延伸閱讀：嘴刁貓轉糧好困難？由乾糧轉濕糧嘅絕招大公開！

▼ 汪喵凍乾主食超高嗜口性，征服嘴刁主子 ▼

便便水分好多，外觀呈糊狀甚至水狀，仲可能好臭。呢類便便表示貓狗拉肚（肚痾）喇！要留意有無嘔吐、無精神等，建議盡快搵獸醫檢查。

常備應急小幫手【軟便剋星】兩日有感！腸道快速穩定 ▶

延伸閱讀：貓咪嘔吐拉肚只係腸胃炎？小心被忽略嘅胰臟炎！

延伸閱讀：狗狗亂食嘢惹禍？胰臟炎嘅診斷與治療

除咗形狀，便便嘅顏色同埋內容物都係健康指標，唔同顏色可能代表唔同器官出咗事。以下係常見嘅異常顏色：

正常情況下，肝臟分泌膽汁幫助消化，膽汁中嘅膽紅素會令便便呈現深啡色。雖然顏色會隨飲水量或食物色素變動，但出現以下顏色就要警惕！

可能係下消化道（大腸）發炎或者出血，建議即刻搵獸醫。

可能係上消化道（食道、胃、小腸）出血；誤食老鼠藥亦可能引致。血液經消化後會變黑。請即就醫，並告知醫生主子有無機會誤食老鼠藥。

灰白色可能代表消化唔埋或者缺乏膽汁；橘黃色可能同肝、膽、胰臟有關，建議就醫檢查。

可能係食咗草或者綠色色素。狗狗胃唔舒服嗰陣有時會自己食草，但亦可能反映緊腸胃問題。

 

正常便便內外型態應該一致。如果見到以下異物，就要特別小心：

【可能原因】寄生蟲感染

如果便便見到好似米粒或者細麵條咁嘅嘢，毛孩好可能係感染咗線蟲或者絛蟲。建議即刻去診所並定期杜蟲！

延伸閱讀：貓狗寄生蟲危機｜常用杜蟲藥比較全攻略！

【可能原因】腸道發炎

如果便便表面有一層厚厚嘅膠狀黏膜，通常代表腸道發炎，建議就醫。

【可能原因】換毛季、過度舔毛

主子喺換毛季或者焦慮嗰陣過度舔毛，會吞咗好多毛落肚，容易便秘。建議補充膳食纖維幫手排毛，亦要留意主子有無壓力問題。

【可能原因】食咗唔應該食嘅嘢

見到膠片、海綿等碎粒，要小心主子係咪拆屋嗰陣吞咗嘢，可能會造成腸道受傷或阻塞，一定要即刻睇醫生！

貓狗嘅便便係最直接嘅健康指標。剷屎官平時就要習慣觀察主子排便，包括份量、形狀同顏色。一發現異常就要及時處理，千祈唔好錯過治療黃金期呀！

．延伸閱讀：主子啲屎點解咁臭？拆解貓狗便便惡臭 3 大原因